په مهاجرینو وزارت کې د راتلونکي کال لپاره د اړتیاوو په اړه ناسته وشوه
د راتلونکي 1404 هجري لمریز کال د اړتیاوو په اړه د لازمو او دقیقو لارښوونو د برابرولو په موخه د مهاجرینو او راستنېدونکو چارو وزارت کې د تدارکاتو امریت له لوري د مرکزي ریاستونو د اجرایوي امرینو او مدیرانو په شتونکې د وزارت په تالار کې ناسته وشوه.
پیل کې د تدارکاتو امر محمد جمال ځدراڼ خبرې وکړې او ویې ویل: په پام کې لرم چې موږ اراده لرو چې د راتلونکي کال 1404 هجري لمریز کال د اړتیاوو او تدارکاتي پلانونو پر بنسټ کار پیل کړو او د بودیجې امریت سره په همغږۍ ترتیب او د هغې له مخې به مخ ته ځي.
هغه په تدارکاتو کې سپما کول یو مهم اصل وباله او زیاته یې کړه: که اړتیاوې په سطحي توګه په پام کې ونیسو، نو په راتلونکي کې به له ستونزو سره مخ شو، هر څومره چې اړتیاوې دقیقې او منظمې وي، په راتلونکي کې به هم په ښه توګه پلې شي.
ورپسې د پورتنۍ موضوع په اړه د تدارکاتو ریاست د قراردادونو د اسانتیا او پلان جوړونې رئیس اجمل نصرت لخوا چمتو شوی پریزنټیشن په تفصیل سره وړاندې شو.
