مرکزي او ولایتي رئیسانو ته د درې ورځیني روزنیز ورکشاپ دويمه ورځ
د مهاجرینو او راستنېدونکو چارو وزارت لخوا د مهاجرینو لپاره د ملګرو ملتونو عالي کميشنرۍ (UNHCR) په همکارۍ ددغه وزارت مرکزي او ولايتي واحدونو لپاره د درې ورځني روزنیز ورکشاپ دويمه ورځ وه.
په پيل کې د کډوالۍ نړیوالې ادارې (UNHCR) نماينده ښاغلي راندهير ددغه اداري په فعالیتونو او لاسته راوړنو خبرې وکړې نوموړي وویل: سږکال دوى د افغانستان لپاره ٤ میلیارده ډالر غوښتنه کړې ده.
هغه دغه راز د مهاجرینو، بېرته راستنېدونکو او داخلي بې ځايه شوو ته د لومړنيو او بنسټيزو اسانتياوو او کاري فرصتونو په برخه کې د مرستو ژمنه هم وکړه، او يادونه يې وکړه چې موږ په ګډه همغږۍ د ياد وزارت سره لا زياتو مرستو ته دوام ورکوو.
وروسته له دې د ولايتو ريسانو خپلې ستونزې او وړاندیزونه وړاندې او د لا ښه پرمختګ لپاره يې په کلکه همغږۍ تاکيد وکړ.
په اخر کې د مهاجرينو او راستنېدونکو چارو وزارت مرستيال له ټولو مننه وکړه، په ځانګړې توګه د يونيسيار له استازو او نورو نړيوالو موسيسو څخه، او دا رنګ ورکشاپونه يې د وزارت د تقويت او همغږۍ لپاره يو ښه بيلګه وګڼله.
په پاى کې ورکشاپ د دعا په ويلو پاى ته ورسيد.
