د کډوالو چارو وزارت او ملي پراختیا ادارې د راستنېدونکو او داخلي بېځایه شوو لپاره د مناسب کور جوړولو لپاره هوکړه لیک لاسلیک کړ
دغه هوکړه لیک د کډوالو او راستنېدونکو چارو وزیر نور الرحمن اخلاقي، د پالېسۍ او پروګرامونودپلي کولو معین شېر عالم امله وال او د ملي پراختیايي شرکت تخنیکي او عملیاتي مرستیال سید نسیم خلیق له خوا لاسلیک شو.
د یاد هوکړه لیک لاسلیک کولو موخه د دواړو ادار ترمنځ همکاري او دولسمشرۍ ماڼۍ ١٠٨ګڼه فرمان عملي کول دي.دد کډوالو استوګنځایونو لپاره د ارزانه سرپناو او زیربناوو جوړول ، داوسېدو ځایونو کې د خدماتو پراختیا لپاره پلان کول ، د دې موخې لپاره د ملي او نړیوالو بنسټونو تمویل جذب کول ، او د اقتصادي او ټولنیزو اړتیاو ارزونې مطالعات د دې هوکړه لیک له ګډ برنامو څخه دي.
د کډوالو چارو وزارت د خپلو مسؤلیتونو او د دې دندو نوعیت ته په پام سره د راستنېدونکو او بېځایه شوو خلکو ټولنیز ژوند ته ودې ورکولو او ټولنیزو حقونو ته دلاسرسي لپاره هڅه کوي. ملي پرمختیايي شرکت د ارزانه ودانیو او کور جوړونې په برخه کې هم کار کوي.
د وزارت د فعالیتونو د پراختیا دڅارنې په لټه کې ، د وزارت د پالېسۍ اوپروګرامونو دپلي کولو معین وویل چې د دغه هوکړه لیک لاسلیک کول مهم و او د ملي پراختیا شرکت له بورډ څخه یې مننه وکړه او په دوه اړخیزو همکاریو یې ټینګار وکړ
