د کډوالو وزارت د دفتر رییس د تورخم انتقالاتو آمریت او د کډوالو د راستنیدو پروسه څخه لیدنه وکړه
د کډوالو او راستنېدونکو چارو وزارت د دفتر رییس محترم مولوي سعید احمد بنوري د تلې په ۱۰ مه د ننګرهار ولایت د کډوالو او راستنېدونکو چارو ریاست د تورخم د انتقالاتو آمریت او له پاکستان څخه د کډوالو د راستنیدو پروسه څخه لیدنه وکړه.
په دې لیدنه کې له ښاغلي بنوري سره د تورخم د انتقالاتو امر ملا محمد خالص هم ملتیا کوله، د راستنېدونکو وضعیت څخه یې له نږدې لیدنه وکړه، له هغوی یې پوښتنې وکړې او د هغوی ستونزې یې واورېدې.
نوموړي له دولتي او همکارو بنسټونوغوښتنه وکړه، چې له کډوالو سره نیک چلن وکړي او د هغوی کارونه پرته له ځنډ خلاص کړي.
د دفتر رییس همداراز د کډوالو لپاره له روغتیايي مرکزونو هم لیدنه وکړه او مسوولینو ته یې لازمې لارښوونې وکړې.
