د کډوالو عالي ادارې، د اسیایي دفتر مشرې د مهاجرینو چارو له سرپرست وزیر ولیدل
د کډوالو لپاره د ملګرو ملتونو عالي ادارې، د اسیایي دفتر مشرې آغلې "های کیونګ جون" د مهاجرینو او راستنېدونکو چارو له سرپرست وزیر الحاج خلیل الرحمن حقاني سره د هغه د کار په دفتر کې ولیدل
په دغه ناسته کې د تازه راستنو شوو مهاجرینو، داخلي بېځايه شوو او په راتلونکې کې راستنېدونکو مهاجرینو لپاره د بشري مرستو او خدماتو وړاندې کولو په میکانیزم خبرې وشوې
آغلې جون وویل، افغانستان ته د راتګ هدف یې دلته د مهاجرینو وضیعت له نږدې څارل او د جینوا په راتلونکي ناسته کې شریکول دي
نوموړې همدا راز د یادې ادارې ځینې ستونزې شریکې کړې او د مهاجرینو چارو وزارت د همکارۍ غوښتنه یې وکړه
د مهاجرینو او رستنېدونکو چارو سرپرست نوموړې ته له ښه راغلاست وروسته وویل: د مهاجرینو چارو وزارت هم یو بشري ارګان دی او له هرډول تبعیض پرته هېوادوالو ته خپل خدمات ترسره کوي، ښاغلي حقاني وویل، مونږ ته د نظام اصول ترهرڅه زیات ارزښت لري او هر فعالیت باید د نظام له اصولو سره سم ترسره شي
نوموړي په کارونو کې په همغږۍ، شفافیت او د فساد په مخنیوي ټینګار وکړ
په ناسته کې د مهاجرینو چارو وزارت مسلکي مرستيال مولوي عبدالرحمن راشد هم په په تفاهم او همغږۍ ټینګار وکړ او دا چې ددواړو ادارو د کار ساحه ګډه ده، نو خدمات هم باید د یوه ګډ پلان له مخې ترسره شي
