د ځدراڼو، غوټان خېل قوم مشرانو د مهاجرینو چارو له وزیر سره ولیدل
د حاجي عبدالواحد په مشرۍ د ځدراڼو، غوټان خېل قوم سپین ږیري او مشران، چې له مختلفو ولایتونو څخه وو، د مهاجرینو چارو له سرپرست وزیر الحاج خلیل الرحمن حقاني سره دده د کار په دفتر کې ولیدل
راغلو مشرانو له ښاغلي حقاني مننه وکړه، چې له ډیرو بوختیاو سره یې دوی ته وخت ورکړ او هېواد کې د اسلامي نظام په حاکمیت او بشپړ امنیت یې خوښي څرګنده کړه
دوی د خپلو قومي ستونزو ترڅنګ ددغه قوم د راستنو شوو مهاجرینو د تعلیم، سرپناه او کاري فرصتونو ستونزې له ښاغلي حقاني سره شریکې کړې او د حل غوښتنه یې وکړه
د مهاجرینو چارو وزیر دوی ته د ستونزو د حل په برخه کې د هرډول همکارۍ ډاډ ورکړ او زیاته یې کړه، مونږ ته ملت او ملي ارزښتونه لومړیتوب لري او ددې په مقابل کې د نړیوالو فرمایشونه نه منو
ښاغلي حقاني په خپلو خبرو کې د ملت په یووالي او اتفاق ټینګار وکړ او پخوانۍ قومي، سمتي او ژبنۍ تفرقې یې د دښمنو کړیو د لاسوهنو پایله وبلله
