د پناه غوښتونکو مرستيال په افغانستان کې د ترکيې د سفير مرستيال سره ليدنه وکړه
دکډوالو او راستنېدونکو چارو وزارت د پناه غوښتونکو مرستيال وفي الله کاکړ په افغانستان کې د ترکيې د سفير مرستيال سره ليدنه وکړه او په ترکيې کې يې د افغان کډوالو او راستنېدونکو پرو ضعيت خبرې وکړې.
ښاغلي کاکړ د افغانستان او ترکيې حکومت د اوږدمهاله دوستانه اړيکو يادونه وکړه او همدا راز يې په لويه کچه د افغان کډوالو په سيمه کې د دواړو هېوادونو ترمنځ د ښو اړيکو او همکاريو پر پراختيا ټينګار وکړ
د پناه غوښتونکو مرستيال په نږدې راتلونکي کې ترکيې ته دخپل سفر اعلان وکړ او د افغانستان او ترکيې په اډانه کې په ګډو همکاريو او په دغه هېواد کې د مېشتو افغان کډوالو د وضعيت څخه د ليدنې خبر ورکړ.
د ترکيې د سفير مرستيال هم د دواړو هېوادونو اړيکې ښې او دوستانه وبللې او دکډوالۍ په برخه کې يې دافغانستان له حکومت سره همکاريو ته په دوام ورکولو ټينګار وکړږ
ښاغلي کاکړ د کار لپاره د کډوالۍ پالېسۍ، د کډوالۍ هر اړخيزه پالېسۍ، د افغان ډيپورت شوو پالېسۍ او په دوو سناريو کې د کډوالو وزارت د چمتوالي د پرمختګ په اړه هم خبرې وکړې.
