د وزارت مسؤلين بايد د ورسپارل شوو دندو په ترسره کولو کې جدي او رښتني وي
د مهاجرينو او راستنېدونکو چارو وزير الحاج خليل الرحمن د عقرب په ( ۱۷) مه د دغه وزارت چارواکو ته وويل، چې ټول بايد په خپلو دندو کې جدي او رښتني وي.
هغه زياته کړه، چې له مراجعينو سره په مهربانۍ چلند وکړئ او د امکان تر حده هڅه وکړئ، چې دهغو غوښتنې پوره کړئ.
ښاغلي حقاني زياته کړه، چې د کارکوونکو صورت او سيرت بايد د شريعيت له لارښوونو سره سم وي او د ادارې هرکار کوونکی بايد د خپلو نيمګړتياوو د سمولو ترڅنګ نوروته هم سالمې لارښوونې وکړي او له مناسبو شرايطو څخه په استفادې د دين د احکامو په زده کړې زيار وباسي.
هغه د وزارت مسؤلين او کار کوونکي د خلکو خدمتګاران وبلل ويې ويل، موږ او تاسې هر يو بايد خپله دنده په ښه توګه ترسره کړو او د هرې ادارې رئيس د خپلې برخې د څارنې مسؤليت او مکلفيت لري.
