د وزارت اداري ناسته وشوه
د مهاجرینو او راستنېدونکو چارو وزارت اونیزه اداري ناسته د وزارت د وزیر ښاغلي الحاج خلیل الرحمن حقاني په مشرۍ د مالي او اداري مرستیال او د مرکزي رییسانو په شتون کې وشوه.
ناسته د څښتن تعالی د پاک کتاب قران کریم د څو مبارکو ايتونو په تلاوت پيل شوه او د تېرې ناستې د پرېکړو په تعقيب د مېلمستون د اوسني عمومي مديريت، د دايمي حللارو موندنې کاري کمېټې، د وزارت د امنیتي مسولینو د ستونزو او د چین له سفیر سره په کتنه کې د دغه هېواد د مرستو په اړه خبرې وشوې.
ښاغلي حقاني د ناستې ټولو ګډونوالو ته اړینې لارښوونې او سپارښتنې وکړې او مسولینو ته یې په کړنو کې پر دقت، چټکتیا او ښه والي ټینګار وکړ.
