د موسسو چارو د همغږۍ رییس د خوست له مرستيال والي سره وکتل
د مهاجرینو او راستنېدونکو چارو وزارت د موسسو چارو د همغږۍ رییس شیخ عبدالرحمن رحماني خوست ولایت ته په خپل سفر کې د خوست له مرستیال والي مولوي محبوب شاه حقاني سره وکتل.
په دې کتنه کې ښاغلي رحماني هغه سره د خپل سفر موخه شریکه کړه او له نوموړي څخه یې د دغه ولایت د مهاجرینو چارو ریاست سره د بېځایه شویو او راستنو شویو لپاره د همکارۍ غوښتنه څرګنده کړه.
د خوست مرستیال والي ښاغلي رحماني ته د اسلامي امارت له اصولو او قوانینو سره د برابرې همکارۍ ډاډ ورکړ.
