د مهاجرینو چارو وزارت څو تنه مرکزي رییسان تبدیل او پر نویو دندو وګومارل شول
د مهاجرینو چارو وزارت د وړاندیز او د اسلامي امارت د ریاست الوزرا د منظورۍ له مخې، د چارو د سمون په موخه د یاد وزارت څو تنه مرکزي رییسان تبدیل او د دغه وزارت د دفتر رییس مولوي سعید احمد بنوري له لوري نویو دندو ته ور وپېژندل شول.
د کارکوونکو چارو پخوانی رییس محترم عرفان الله عباد تبدیل او د محترم مولوي محمد اسماعیل ذبیح الله پر ځای د داخلي تفتیش د رییس په توګه په دویم بست کې، محترم مولوي محمد اسماعیل ذبیح الله د داخلي تفتیش پخوانی رییس تبدیل او د محترم مولوي شکرالله شاکر پر ځای د راستنېدونکو او بیا مېشتېدنې رییس په توګه په دویم بست کې، محترم مولوي شکرالله شاکر د راستنېدونکو او بیا مېشتېدنې پخوانی رییس تبدیل او د محترم مفتي مدیر ګل احمدي پر ځای د مالي او اداري رییس په توګه په دویم بست کې، محترم مفتي مدیر ګل احمدي د مالي او اداري ریاست پخوانی رییس تبدیل او د محترم عرفان الله عباد پر ځای د کارکوونکو چارو رییس په توګه په دویم بست کې، د معلوماتي ټکنالوژۍ پخوانی رییس محترم ملا نورمحمد حامد تبدیل او د محترم الحاج نبي الله دادخیل پر ځای د حقوقي ملاتړ د رییس په توګه په دویم بست کې، محترم الحاج نبي الله دادخیل د حقوقي ملاتړ پخوانی رییس تبدیل او د ملا نورمحمد حامد پر ځای د معلوماتي ټکنالوژۍ د رییس په توګه په دویم بست کې، محترم شیخ عبدالرحمن رحماني د مهاجرینو په چارو کې د موسسو د انسجام پخوانی رییس تبدیل او د محترم مولوي محمدجان خدرخیل پر ځای د دعوت او ارشاد رییس په توګه په دویم بست کې او محترم محبوب الله مطهري د محترم شیخ عبدالرحمن رحماني پر ځای د مهاجرینو په چارو کې د موسسو انسجام رییس په توګه په دویم بست کې د مرکزي ریاستونو کارکوونکو ته ور وپېژندل شول.
ښاغلي بنوري د نویو رییسانو د پېژندنې تر څنګ د پخوانیو رییسانو له هڅو مننه وکړه او هغوی ته یې په نویو دندو کې د بریالیتوب هیله څرګنده کړه او په اسلامي امارت کې یې د مسوولینو تغیر او تبدیل یو اصل یاد کړ، هغه له مسوولینو وغوښتل، چې خپلې دندې په رښتینولۍ او پوره اخلاص سره ترسره کړي.
نوموړي وویل: مالي ګټې باید د خدمت کولو اصلي موخه نه وي، بلکې د الله متعال رضایت، رښتینی خدمت او د نظام پیاوړتیا باید لومړیتوب ولري.
نویو ګومارل شویو رییسانو پر رښتینولۍ، د دندو په ترسره کولو کې پر زیاتو هڅو، کډوالو او هېوادوالو ته پر ښه خدمت کولو ټينګار وکړ.
