د مهاجرینو چارو وزارت پلاوي د اسلام کلا سرحدي کرښه وکتله
د مهاجرینو او راستنېدونکو چارو وزارت پلاوی د وږي پر یو دیرشمه هرات ولایت ته لاړ او د اسلام کلا سرحدي کرښه یې وکتله.
په دې پلاوي کې د وزارت مالي او اداري رییس مفتي مدیرګل احمدي، د څېړنې او معلوماتو رییس قاري احمدالله هاشمي او د ټیکنالوژۍ او ډېټابيس دوه آمران وو، چې د سرحدي آمریت لیدنه یې وکړه، د آنټرنیټ سیتسم او تخنيکي برخه یې فعال کړه او د دغه ولایت د مهاجرینو رییس سره یې له موسسو سره د همغږۍ ناستې وکړې او له هغوی سره یې په بېلابېلو برخو کې د فعالیتونو او خدمتونو په اړه خبرې اترې وکړې.
دغه راز د وزارت پلاوي په دې لیدنه کې له مسوولانو څخه خپل کړیدلي ولس ته د لا زیاتو خدمتونو د وړاندې کولو غوښتنه وکړه.
