د مهاجرینو چارو وزارت مسلکي مرستیال د خپل سفر په لړ کې بدخشان ته لاړ
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد د خپل سفر په لړ بدخشان ته لاړ او د دغه ولایت له والي قاري محمد ایوب خالد یې سره وکتل.
په دې کتنه کې د دواړو لوریو ترمنځ د خدمتونو د وړاندې کولو، په دغه ولايت کې د مهاجرينو د راستنېدنې د بهير او دوى ته د خدمتونو د وړاندې کولو په اړه خبرې وشوې.
ښاغلي راشد مهاجرینو ته د خدمتونو د وړاندې کولو په برخه کې د هغوی هڅې وستایلې او ډاډ یې ورکړ، چې له اړوندو ادارو سره په همغږۍ به د ستونزو د حل په برخه کې لازم اقدامات ترسره کړي.
