د مهاجرینو چارو وزارت مسلکي مرستیال د جوزجان ولایت د مهاجرینو چارو ریاست وکاته
د مهاجرینو او راستنیدونکو چارو وزارت مسلکي مرستیال مولوي عبدالرحمن راشد جوزجان ولایت ته د خپل سفر په ترڅ کې د دغه ولایت د مهاجرینو چارو ریاست لیدنه وکړه.
ښاغلي راشد د دغه ریاست له رییس او کارکوونکو سره په کتنه کې دغه ولایت ته د خپل سفر موخې، د تطبیق په برخه کې شته ستونزې وویلې او د دغه ریاست کارکوونکو ته یې په خپلو دندو کې په صادقانه کار ټینګار وکړ.
د جوزجان ولایت د مهاجرینو چارو رییس ملا امان الله طلحه مسلکي مرستیال او ورسره مل پلاوي ته ښه راغلاست ووایه او د وزارت د رهبرۍ د چارو ستاینه یې وکړه او زیاته یې کړه: موږ به تل د خپلو خلکو په خدمت کې یو او له مهاجرینو وزارت سره پر همغږۍ به ستونزې حلوو.
