د مهاجرینو چارو وزارت مالي او اداري مرستیال د (UNHCR) موسسې له رئیس سره وکتل

د مهاجرینو چارو وزارت مالي او اداري مرستیال محمد ارسلاح خروټي د افغانستان لپاره د کډوالو عالي کمشنرۍ (UNHCR) له رئیس ښاغلي لیونارد زولو سره په خپل کاري دفتر کې وکتل
په دغه ناسته کې د مهاجرینو چارو وزارت او یونیسیار ادارې ترمنځ د ګډو همکاریو (PPA) پروژې هوکړه لیک په ستونزو او ۲۰۲۳ م کال د ګډو همکاریو په اړه خبرې وشوې
ښاغلي زولو د مهاجرینو چارو وزارت همکاري د خپلې ادارې لپاره مهمه وبلله او د ګډو همکاریو په تېرو کړنو یې خوښي څرګنده کړه، نوموړي وویل، د مهاجرینو چارو وزارت چلند ډېر مسلکي دی او ډېرو خبرو ته چې زمونږ پام نه وي دوی مو ورپام کوي
ښاغلي خروټي وویل: ملګري ملتونه او په ځانګړي ډول د کډوالو اداره باید خپل باور وساتي او بشري مرستې له سیاست سره ونه تړي