د مهاجرینو چارو وزارت د همکارۍ څلور تړونونه لاسلیک کړل
د مهاجرینو او راستنېدونکو چارو وزارت د خطرونو او کړکیچ کمولو، د ټولنیزې هوساینې او د لارښودنې لار ، له جګړې د اغیزمنو ماشومانو لپاره د کاناډايي او د ناروې د مهاجرینو شورا او موسساتو سره د یو میلیون ۴ سوه ۶۶ زره او ۱۵۰ امریکایي ډالرو په ارزښت د همکارۍ څلور هوکړه لیکونه لاسلیک کړل.
د یادو شویو تړونونو له مخې به په ننګرهار ولایت کې ۶۰۰ بېځایه شویو او راستنو شویو کورنیو لپاره به د ۷ سوه ۳۲ زره او ۶۴ ډالرو په ارزښت حرفوي او تخنیکي زده کړې او د خیاطۍ د وسایلو او کتابونو د ویش په برخه کې به له جګړې د زيانمنو شويو ماشومانو لپاره د کاناډا موسسې له لوري په مصرف ورسول شي.
د ناروې د مهاجرینو شورا به په کابل او ننګرهار ولایتونو کې ۹ زره ۴۳۳ تنو ته د سرپناه ټولیز او جزوي ترمیم په برخه کې ۶ سوه ۵۰ زره ډالر، د ټولنیزې هوساینې او د لارښودنې لار موسسې به په هرات او ننګرهار ولایتونو ۵۰۰ راستنېدونکو او بېځایه شویو لپاره به د ۷۲ زره ۸۶ ډالرو په ارزښت د مهارتونو د برابرولو، روزنې او روغتیایي کڅوړو په برخه کې او په کابل ولایت کې د ۲۰۰ کورنیو لپاره د خوراکي او روغتیایي محصولاتو د ویش په برخه کې به د ۱۲ زرو ډالرو په ارزښت به د خطرونو او کړکیچ کمولو موسسه به یې په مصرف ورسوي. دغه هوکړه لیکونه د مهاجرینو وزارت سرپرست او مسلکي معین مولوي عبدالرحمن راشد او د موسسو د استازو تر منځ لاسلیک شول.
