د مهاجرینو چارو وزارت او د MPO موسسې ترمنځ د څه باندې ۱۵ میلیونه افغانیو په ارزښت تفاهم لیک لاسلیک شو.
د مهاجرینو او راستنېدونکو چارو وزارت او د مصؤنیت په لور د خوځښت مؤسسې ترمنځ د همکارۍ تفاهم لیک لاسلیک شو.
د ياد شوي تفاهم ليک له مخې، ياده اداره به د بیا مېشتدنې او یو ځای کولو خدمتونو وړاندې کولو په برخه کې ١٥ ميليونه ٦٩٢ زره او٤٠٠ افغانۍ او يو زره ٥٠٠ بې کوره ماشومان له خپلو کورنيو سره يو ځاى او بېلابېلو ادارو ته د استونې په برخه کې د پوهنې، تغذيې او روغتيايي خدمتونو د تر لاسه کولو په موخه په کندهار او نیمروز ولایتونو کې مصرفوي.
ياد تفاهم ليک د مهاجرينو چارو وزارت د پاليسۍ او پلان رئيس او د وزارت د مسلکي معینیت سرپرست مولوي محمود الحق احدي او د يادې ادارې د استازي له خوا لاسليک شو.
