د مهاجرینو چارو مسلکي مرستیال او کفیل د لوګر والي سره ولیدل
د مهاجرینو او راستنېدونکو چارو وزارت مسلکي مرستیال او کفیل مولوي عبدالرحمان راشد او ورسره مل پلاوي لوګر ولایت ته د سفر پرمهال ددغه ولایت له والي مولوي ضیاء الرحمن مدني سره د ولایت مقام کې ولیدل
په دغه ناسته کې لوګر ولایت ته د راستنو شویو مهاجرینو، داخلي بېځايه شوو او د مهاجرینو د ښارګوټو په ستونزو او ورته په اسانتیاو رامنځته کولو خبرې وشوې
د لوګر والي ډاډ څرګند کړ، چې په دغه ولایت کې ترډېره د مهاجرینو ستونزو ته رسېدنه شوې او په دې برخه کې به خپلې هڅې لا ګړندۍ کړي
