د مهاجرینو وزارت مسلکي معین د سمنګان مرستیال والي سره ولیدل
د مهاجرینو او راسنېدونکو چارو وزارت مسلکي معین مولوی عبدالرحمن راشد، سمنګان ولایت ته د خپل سفر په ترڅ کې د دې ولایت مرستیال والي ملا داد خدا خادم سره ولیدل
په دې لیدنه کې چې د سمنګان والي د دفتر رییس قاري عبدالبصیر فرقاني هم ګډون درلود، د مهاجرینو په بېرته راستنېدو، د خدماتو په وړاندې کولو، د مرستو په راجلبو او همغږۍ خبرې وشوې.
مرستیال والي او د دفتر رییس د مرستو په راجلبولو کې مسلکي معین ته د همکارۍ ډاډ ورکړ.
همدارنګه ښاغلي راشد د چین هېواد له لوري مرسته شوې ۱۱۴ خېمې د یاد ولایت مهاجرینو ریاست ته وسپارلې، څو په بېړنیو حالاتو کې ترې کار واخېستل شي.
د یو بل خبر له مخې، د مهاجرینو او راستنېدونکو چارو وزارت مسلکي معین مولوي عبدالرحمن راشد په سمنګان ولایت کې د راستنو شویو لپاره د ۱۲۰ کورونو جوړولو پرانېسته وکړه.
یاد کورونه به دوه کوټې، یو دهلیز او یو تشناب ولري، چې د کډوالو په چارو کې د ملګرو ملتونو عالي کمېشنرۍ په مالي ملاتړ او د اکرو موسسې له لوري د ۴۳ میلیون افغانۍ په لګښت سره جوړیږي.
