د مهاجرینو وزارت مرستيال د یو پلاوي په مشرۍ د لوګر ولايت مرکز اړوند سېلاب ځپلو سیموڅخه ليدنه وکړه
د مهاجرينو او راستنېدونکو چارو وزارت مسلکي مرستيال مولوي عبدالرحمن راشد د یوه پلاوي په مشرۍ د لوګر ولایت مرکز پل علم اړوند نمازرو او حاجي ګلون کلي یوشمېر کورنیو سره، چې تېره دوشنبه یې کورونه او کرنیزې ځمکې د سېلابونو له امله ویجاړې شوې وې لیدنه وکړه.
ښاغلي عبدالرحمن راشد د یادو کلیو د اوسېدونکو، ستونزې او ننګونې واورېدې او هغوی ته يې ډاډ ورکړ، چې د مهاجرينو چارو وزارت هڅه کوي چې د مرستندويه بنسټونو سره په همغږۍ به ور سره عاجلې بشري مرستې تر سره کړي.
