د مهاجرینو وزارت مالي او اداري مرستیال د څارنې، حکمونو او فرامینو لوی ریاست د پلټنې له رییس سره ولیدل
د مهاجرینو وزارت مالي او اداري مرستیال شیخ کلیم الرحمن فاني د څارنې، حکمونو او فرامینو لوی ریاست د پلټنې رییس مولوي حیدر صدر سره په خپل کاري دفتر کې ولیدل. ښاغلي صدر د خپل مل پلاوي د کارونو په اړه توضیحات ورکړل او د مهاجرینو او راستنېدونکو چارو وزارت کې د دغې ادارې د پلټنې د پیل په اړه یې له محترم مرستیال سره خبرې وکړې. ښاغلي فاني یاد هیات ته ښه راغلاست او په چارو کې یې د همکارۍ ډاډ څرګند کړ.
