د مهاجرينو چارو وزير د دغه وزارت د دفترونو څخه ليدنه وکړه
د مهاجرينو او راستنېدونکو چارو وزير الحاج خليل الرحمن حقان ي د لړم په (۲۸) مه د دغه وزارت د دفترونو د کاري بهير څخه ليدنه وکړه.
ښاغلي حقان ي د دفترونو نه د ليدنې پر مهال له کار کوونکو څخه د کاري پلان، کړنو، د پرسونل د شمېر او د هغو ستونزو په اړه پوښتنې وکړې او اړوند مسؤلينو ته يې د يوشمېر ستونزو د حل په موخه لازمې لار ښوونې وکړې.
نوموړ د الهي احکامو او نبوي سنتو په عملي کولو او مراعاتولو باندې ټينګار وکړاو کار کوونکو ته يې وويل، چې ظاهري بڼه او چلند بايد له شرعي احکامو سره سمې کړي.
د مهاجرينو چارو وزير کار کوونکو ته لار ښوونه وکړه، چې خپلې دندې او مسؤليتونه د وخت له ضايع کلو پرته په شفاف ډول ترسره کړي.
هغه زياته کړه، چې ستاسې د دفترونو څخه ليدنه او د کاري بهير څېړنه په بېلابېلو وختونو کې زما او د وزارت د يوشمېر چارواکو له لورې ترسره کېږي او د ستونزې پروخت به ورته پاملرنه کېږي.
د ويلوده، چې په تېرو څلورو ورځو کې دا دوهم ځل دی، چې د مهاجرينو چارو وزير د دغه وزارت د دفترونو څخه ليدنه او څارنه کوي.
