د مهاجرينو چارو وزارت نوي رئيسان کار کوونکو ته ور وپېژندل شول
د مهاجرينو او راستنېدونکو چارو وزارت د مقام د لار ښونې پر بنسټ د ا. ا. امارت د رياست الوزرا په منظورۍ د وزارت اته تنه رئيسان او چارواکي مقرر او د وزارت کار کوونکو ته ور وپېژندل شول.
په هغه مراسموکې چې دوشنبه د ليندۍ په (۱۴) مه په وزارت کې ترسره شول، د وزارت مالي او اداري مرستيال الحاج محمد ارسلاح خروټي، مسلکي مرستيال مولوي عبدالرحمن راشد او يوشمېر رئيسانو او کار کوونکو شتون درلود.
په دغو تغيراتوکې قاري اجمل وياړ د مقام د دفتر د رئيس، مولوي محمد جان خدرخېل د داخلي پلټنو د رئيس، مولوي محمد اسماعيل ذبيح الله د مالي او اداري رئيس، مولوي محمود الحق احدي د حقوقي ملاتړ د رئيس، قاري احمد الله هاشمي د پلان او پالېسۍ د رئيس، قاري محمود شاه د څارنې او ارزونې د رئيس او حاجي محمد علي باور د حقوقي سلاکار په توګه ټاکل شوي دي.
مالي او اداري مرستيال ااو مسلکي مرستيال، چې د رئيسانو د معرفۍ په مراسموکې يې شتون درلود رئيسانو او چارواکو ته د برياليتوب هيله وکړه، دغه بدلونونه يې يو مثبت ګام او باله او د يادو کسانو تغير او تبديل يې د نوو تجربو او زده کړو په برخه کې ګټور او د تشې د لمنځه وړلو په برخه کې مهم ياد کړ.
