د مهاجرينو چارو وزارت د څارنې او ارزونې نوی رئيس معرفي شو
د مهاجرينو چارو وزارت د مالي او اداري مرستيال الحاج محمد ارسلاح خرټي له لورې د څارنې او ارزونې نوی رئيس مولوي مطيع الله د دغه رياست کوونکو ته ور وپېژندل شو.
مالي او اداري مرستيال د څارنې او ارزونې د نوي رئيس د پېژندنې پرمهال وويل، د چارواکو او کار کوونکو بدلول عادي خبره ده او تر ډېره د ښه والي او موثريت په خاطر تر سره کېږي.
هغه زياته کړه، د څارنې او ارزونې نوی رئيس نه يوازې دا چې يوه لوستی شخص دی بلکې د زده کړو ترڅنګ په سياسي او اداري چارو کې يو هوښيار او په کار پوهه شخصيت دی او هيله مو ترې دا ده، چې د خپلې وړتيا او د همکارانو له تجربو څخه په استفادې سره به د خلکو لپاره د اغېزناکو او ګتور خدمات د ترسره کېدو لامل وګرځي.
محترم مولوي مطيع الله د افغانستان اسلامي امارت د چارواکو د باور څخه مننه وکړه او ډاډ يې ورکړ،چې د وزارت د چارواکو په لار ښوونه او د کار کوونکو په همکارۍ به ور سپارل شوې چارې په ښه شان ترسره کوي.
