د مهاجرينو چارو وزارت اداري ناسته ترسره شوه
د مهاجرينو چارو وزار ت اداري ناسته د الحاج خليل الرحمن حقاني په مشرۍ د لړم په (۸) ترسره شوه.
د ناستې په پيل کې د مهاجرينو چارو وزير د تېر ناستې د پرېکړې او د هغه د تعقيب په اړه خبرې وکړې، په يادو مواردو کې يې ترسره شوې کړنې يې واورېدې او پروخت د ګټورو او دقيقو کړنو يې ټينګار وکړ.
وروسته د اجنډا مطابق په ايران او پاکستان کې د مېشتو افغان مهاجرينو د ستونزو دحل او د هغه اړمنو کورنيو په اړه چې د مرستو غوښتنه يې کړې خبرې وشوې.
همدارنګه په ناسته کې د مهاجرينو په ښارګوټوکې د ځمکې د وېش د کړنلارې او د مهاجرت د پراخې قانوني پالېسۍ د تګلارې د چمتو کولو په اړه د اړوندو برخو د مسؤلينو له لورې معلومات وړاندې شول او په پای کې د ذکر شوو مواردو په اړه پرېکړه وشوه.
