د ملګرو ملتونو دکډوالو ادارې کډوالو چارو وزارت سره د دفتري وسايلو مرسته وکړه
د دفتري وسايلو د سپارلو سند د کډوالو او راستنېدونکو چارو وزارت سرپرست وزير په کابل کې د ملګرو ملتونو د کډوالو ادارې د رئيسې ميرمن بيورن کرولاين سره لاسليک کړ.
کډوالو او راستنېدونکو چارو وزارت سرپرست وزير په دغه وزات کې د ملګرو ملتونو دکډوالو ادارې د رئيسې دهمکاريو مننه وکړه او بېځايه شوو او راستنېدونکوته د رسېدو او د وزارت سره په لا زياتو همکاريو ټينګار وکړ.
د ملګرو ملتونو دکډوالو ادارې ( unhcr ) رئيسې وويل، په يوې سروې کې په ولايتونوکې د کډوالوچارو رياستونو او آمريتونو د دفترونو اړتياوې مشخص شوې وې او د دغه وسايلو نه به د اړمنو او بېځايه شوو د سروې او د مرستو دوېش په برخه کې استفاده کېږي.
د يکشنبې په ورځ د وږې په ۳۰مه ۱۵ موټره او ۳۹ کمرې د ملګرو ملتونو دکډوالو ادارې ( unhcr ) له لورې کډوالو او راستنېدونکو چارو وزارت ته وسپارل شوې،چې له دې مخکې ۱۲۰ کمپيوټرونه او ۵۲ پرنټرې ددغې ادارې له لورې کډوالو او راستنېدونکوچارو وزارت سره مرستې شوې وې.
