د قطر سره میاشت د راستنو شوو مهاجرینو لپاره کورونه جوړوي
د هلال احمر قطري د مرستو او نړیوالې پراختیا رئیس دوکتور محمد صلاح ابراهیم او ورسره مل پلاوي د مهاجرینو او راستنېدونکو چارو سرپرست وزیر الحاج خلیل الرحمن حقاني سره ولیدل
په ناسته کې د راستنو شوو مهاجرینو په اړتیاو او د وروستیو سیلابونو له امله بېځایه شوو ته د بشري مرستو په رسولو خبرې وشوې
نوموړي ژمنه وکړه، چې د مهاجرينو په ښارګوټو کې به راستنو شوو مهاجرینو لپاره کورونه جوړ کړي، خو د تعداد په هکله به یې د قطر خیریه صندوق سره تر مشورو وروسته معلومات شریک او عملا به یې په کار پیل وکړي
