د زابل ولایت د مهاجرینو چارو آمريت د چارو ارزونه ترسره شوه
د مهاجرینو او راستنېدونکو چارو وزارت سرپرست وزیر الحاج خلیل الرحمن حقاني زابل ولایت ته د خپل سفر په ترڅ کې ددغه ولایت د مهاجرینو چارو آمريت څخه ليدنه وکړه
د یاد آمریت آمر ملا عبدالقهار له پاکستان څخه د جبري راستنېدونکو د شمېر او هغوى ته د اساسي خدمتونو د وړاندې کولو په اړه د کډوالو چارو وزير ته معلومات ورکړل.
د مهاجرینو چارو وزیر د یاد امریت د چارو د ارزونې ترڅنګ، د کار کوونکو ستونزې واورېدې او د حل ډاډ یې ورکړ، نوموړي په کارونو کې په چټکتیا او شفافیت ټینګار وکړ او زیاته یې کړه، د راستنېدونکو مهاجرینو لپاره باید شپه او ورځ منظم، چمتو او له هرې ممکنه لارې ددوی خدمت وکړئ
