د راتلونکي کال پلان به دپخوا په پرتله خورا رښتني او اغېزمنه وي؛ دکډوالو وزير زه يې خپله تعقيبوم

anwari_morr
دوشنبه ۱۳۹۹/۹/۲۴ - ۸:۵۴
_____________

دکډوالو او راستنېدونکو چارو وزير نور الرحمن اخلاقي د همغږۍ په ناسته کې چې د نوي مالي کال پلان جوړولو په موخه په وزارت کې جوړه شوې وه، رئيسانو او سيمه ييزو ادارو ته لارښوونه وکړه چې د راتلونکي کال پلان  به دپخوا په پرتله خورا رښتني او اغېزمنه وي.

هغه د ويډيو کنفرانس له لارې په ولايتونوکې د کډوالوچارو رئيسانو او استازو سره خبرې وکړې او د ولايتي رياستونو يې غوښتنه وکړه، چې د راتلونکي کال کاري پلانونه د تېر کال په پرتله ګټور جوړ کړي.

دنومړي  په خبره د رياستونو کاري پلانونه دهغه چا دخدمت کولو اساس دی چې څوک يې تمه لري. زه خپله د راتلونکي کال پلانونه د تېر کال د پلانونو سره پرتله کوم ترڅو ډاډ ترلاسه کړم چې د کډوالو وزارت پلانونه د اړمنو لپاره اغېزمن دي.

 

 

په دغه ناسته کې چې د پلان او پالېسۍ رياست  او د ولايتي همغږۍ رياست سره په ګډه همغږۍ جوړه شوې وه،د پلان او پالېسۍ رئيس وړانديز وکړ، چې د نوي کال کاري پلانونه بايد دوامداره پراختيايي موخو، د کډوالو په اړه د افغانستان دنړيوالو ژمنو، په ځانګړي توګه دحل لارو ستراتېژۍ، د پناه غوښتنې نړيوالو تړنونو او په ولايتونوکې د موسسو د پراختيايي پلانونو سره سم وي.

دغه ناسته په داسې حال کې ترسره شوه، چې د تېرې پنجشنبې په ورځ د کډوالو او راستنېدونکو چارو وزير د وزارت اجريوي بورډ په ناسته کې مرکزي رياستونو ته لارښوونه وکړه، چې خپل کاري پلانونه په ډېر دقت او غور سره ترتيب کړي.

تازه خبرونه

شنبه ۱۳۹۹/۱۲/۲ - ۱۴:۲۳
Background image

د کډوالو وزير؛ د هغو خلکو په وړاندې چې ټول پلانونه يې دخلکو د بېځايه کېدو لامل کېږي، د دولت کړنې د خلکو پام ځانته را اړه وي

د کډوالو او راستنېدونکو چارو د وزير نور الرحمن اخلاقي او د کابل د والي محمد يعقوب خان حيدري په شتون کې نن په کابل کې ۱۵۰۰ بېځايه شوو کورنيو ته د نغدي مرستو د وېش لړۍ پيل شوه.

سږ کال په. . .

پنجشنبه ۱۳۹۹/۱۰/۱۱ - ۸:۳۲
Background image

کډوالو وزير د امريکا سفير سره دکډوالو او بېځايه شوو وضعيت په اړه خبرې وکړې

 

دکډوالو او راستنېدونکو چارو وزير نور الرحمن اخلاقي د ويډيوي کنفرانس له لارې په کابل کې د امريکا متحده ايالاتو له سفير راس ويلسون سره د کډوالو او بېځايه شوو د وضعيت په اړه خبرې وکړې.

. . .
سه‌شنبه ۱۳۹۹/۱۰/۹ - ۱۳:۵۹
Background image

د پناه غوښتونکو مرستيال دراستنېدو پروسې څارنه وکړه

د کډوالو او راستنېدونکو چارو وزارت د پناه غوښتونکو مرستيال وفي الله کاکړ د مرغومي په ۹مه دحامد کرزي نړيوال هوايي ډکر کې د افغان کډوالو د راستنېدو پروسې څارنه او ارزونه وکړه. هغه. . .

بېرته خبرونه ته