دترکیې سفیر: د نړيوالې ټولنې څخه غوښتنه کوم چې دافغانستان خلکو سره، بشري مرستې وکړي
دغه خبر ه دترکیې سفیرجیهاد ارکينايي نن دلیندۍ په (١٦) دکابل په بګرامیو ولسوالیوکې اړمنو بېځايه شوو کورنیو ته دبشري مرستو دوېش پر مهال وکړه.
يادې مرستې د ترکيې هېواد د افتونو اوبېړنیو حالاتو په وړاندې دمبارزې ادارې( آفاد) له لورې د کابل دمهاجرینو او راستنېدونکو چارو ریاست په همکارۍ سلګونو اړمنو کورنیو سره ترسره شوې
د دغو مرستو د وېش پرمهال په کابل کې د ترکیې سفير جيهاد ارکينايی د خپلې ادارې دفغالیتونو په اړه معلومات ورکړل ویې ویل: دترکيې هېواد د اسلامي امارات د راتګ سره سم دسرې میاشتې،ټيکا او نورو غیرې دولتي ادارو په مرسته بېوزلو افغانانو سره مرستې کړي او دمرستو دوېش دغه لړۍ به جاري ساتو. همدارنګه دنړیوالې ټولنې څخه موهم داغوښتنه ده، چې په اوسنیو حالاتوکې چې افغانان ورسره لاس او ګریوان دي دبشري مرستو په برخه کې همکاري وکړي.
ښاغلي جیهاد ارکينايي د کډوالو او راستنېدونکو چارو وزارت مالي او اداري مرستیال محمد ارسلاح خروټي او دکابل ولایت دمهاجرینو او راستنېدونکو چارو رییس قاري عبدالمتین رحیمزي څخه مننه وکړه چې بېوزلو کورنیو ته یې دبشري مرستو دوېش زمینه برابره کړې ده.
د ویلو ده چې دننیو مرستو دوېش پرمهال دکډوالو او راستنېدونکو چارو وزارت مرستیال محمد ارسلاح خروټي او داطلاعاتو او عامه اړیکو رييس مفتي عبدالمطلب حقاني هم شتون درلود.
الحاج ارسلاح خان خروټي په کابل دترکیې سفیر څخه مننه وکړه چې په افغانستان کې بېوزولو او اړمنوکورنیو سره بشري مرستې ترسره کوي.
هغه وويل:دتېر شل کلن نظام دفساد او د پلان دنه موجودیت له امله په هېواد کې میلیونونه افغانان دلوږې او اقتصادي فقر سره مخ دي،چې لِله الحمد داسلامي امارات په راتګ سره غصب، اختطاف، بې عدالتۍ اوبې قانوني پای ته رسېدلې.په ټول هېواد کې زرګونه کورنیو ته بشري مرستې رسېدلي او میلیونونه نور افغانان بشري مرستو ته اړتیا لري، نومړي دنړيوالې ټولنې څخه غوښتنه وکړه چې د افغانانو په ځانګوي ډول بېوزولو او اړمنو کورنیو ته دې ډېره پاملرنه وکړي او دوی لپاره دې ځانګړي پروګرامونه په لاره واچوي.
هغه په نړیوالو غږ وکړ، چې د افغانانو کنګل شوي شتمنۍ ازادي کړي، څو په هېواد کې د را روان بشري بحران مخنیوي وشي.
هغه زیاته کړه، چې په راتلوونکي د کابل په کډون ټولو ولایتونو کې به خپلو بشري مرستو ته دوام ورکوي.
د ښاغلي خروټي په وينا، تر اوسه پوري په هغه ډول مرستې افغانستان ته نه دي رارسیدل کومې چې نړیوالو په افغانستان کې د بشري ناورین مخنیوي لپاره ژمنې ترسره کړې وې، وايي یواځي یو څه اندازه مرستې افغانستان ته رارسېدلي او نورې یې پاتې دي.
