حقاني: مهاجرین دې د کوربه هېوادونو اصولو او قوانیونو ته درناوی ولري
د مهاجرینو او راستنېدونکو چارو وزیر الحاج خلیل الرحمان حقاني لوګر ولایت کې ٧٠ کورنیو ته د بشري مرستو د ویش پرمهال له رسنیو سره په خبرو کې له افغان مهاجرینو وغوښتل، چې د کوربه هېوادونو اصولو او قوانیونو ته درناوی وکړي او له داسې کړنو ځان وژغوري، چې له امله یې ټولو مهاجرینو ته ستونزې جوړېږي
نوموړي زياته کړه، دا چې په افغانستان کې اسلامي نظام حاکم او سرتاسري امنیت تامین دی، نو ټول مهاجرین باید نور پخپله خوښه هېواد ته راستانه شي
د یادونې وړ ده، چې په دغه سفر کې ښاغلي حقاني د لوګر ولایت د شهیدانو شپږو کورنیو ته د افغانستان اسلامي امارت له لورې مرسته شوې درې سوه زره افغانۍ نغدي مرستې وسپارلې او په نږدې اويا کورنیو یې د چین بشري مرستې، کمپلې او خیمې وويشلې او نغدې مرستې يې ورسره وکړې
