تېره مياشت له اتو زرو زياتو بېځايه شوو کورنيو سره دخوراکي توکو مرستې شوي
په خوست ولايت کې د لړم مياشتې د لومړۍ نېټې څخه تر(٢٩)مې نېټې پورې دشمالي او جنوبي وزیرستان (٨٠٣٦) بېځايه شوو کورنيوسره دمهاجرينو او راستنېدونکو چارو وزارت په همغږۍ د خوراک نړيوال سازمان (WFP) له لورې د(WSTA ) موسسې په همکارۍ دخوراکي توکو مرستې شوي.
په يادو خوراکي موادو کې (٤٦) کيلو اوړه او(٤،٥) کیلو غوړي شامل و ،چې په مرکز متنون کې (١٢٥٠) کورنیو ته، په تڼیو ولسوالۍ کې (١٨٥٠) کورنیو ته، په ګربز شیخامیر او ګلان کمپ کې (٤٩٣٧) کورنیو ته ووېشل شول.
د ويلو ده چې د مرستو دوېش دغې پروسې نه د خوست ولایت د مهاجرينو او راستنېدونکو چارو رئیس مولوی صاحب احمد احمدي، مولوی صاحب وحدت، د بیړنیو حالاتو آمر اسدالله اکبري او نورو ليدنه او څارنه وکړه.
ددې سربېره دمهاجرينو وزارت خپلې ټولې هڅې کوي چې په دغه شان حساسو ورځوکې خپل مسؤليتونه ترسره کړي او دهېواد په ټولو ولایتونوکې دسروي ټیمونه کارکوي ترڅو بېځایه شوې کورنۍ سروې اوپه نښه کړي چې دمهاجرينو وزارت سره په همغږې ورته داړونده ادارو له لورې بشري مرستې ووېشل شي.
