الحاج خليل الرحمن حقاني! په ټول توان سره هڅه کوو چې په هيواد کې شته بدۍ او تربګنۍ په ورورولۍ بدلې کړو
د مهاجرينو او راستنېدونکو چارو سرپرست وزیر الحاج خليل الرحمن حقاني خوست ولایت ته د سفر وروسته په دغه ولايت کې د دوه ښکيلو قومونو ترمنځ د شته شخړې د حل او روغې جوړې ته د تياري په غونډه کې وويل چې په ټول هيواد کې د متقابلو اړخونو ترمنځ اوربند قايم دی او هيڅوک نه شي کولای چې پر يو بل تعارض وکړي، خپلې ټولې شخړې به د قانوني مراجعو له لارې حل کوي.
نوموړي د خوست ولايت د والي سره په يو لړ مهمو مسائلو بحث وکړ، وروسته يې د مهاجرينو او راستنېدونکو چارو رياست څخه ليدنه وکړه او د چارو د لا ښه والي په موخه يې لازمې لارښوونې ورته وکړې.
