د شهیدانو د یوې کورنۍ یو غړي د مهاجرینو چارو وزیر سره وکتل
په میدان وردگو ولایت کې د یوې کورنۍ د پنځو شهیدانو پلار مولوي ګل یمین د مهاجرینو او راستنېدونکو چارو وزیر ښاغلي الحاج خلیل الرحمن حقاني سره وکتل او اقتصادي ستونزو ته د رسېدنې غوښتنه یې وکړه.
ښاغلي حقاني د خواخوږۍ او ډاډګېرنې مراتبو وړاندې کولو او د شهیدانو روح ته له دعا څخه وروسته وویل: شهیدانو د خپلې خاورې، نوامیسو او د ملي حاکمیت د دفاع په لاره کې خپل ولس ته ډېر ویاړونه ورکړي دي او د افغانستان خلک به د دوی قربانۍ هېرې نه کړي.
د مهاجرینو چارو وزیر ورته د اقتصادي ستونزو د حل ډاډ ورکړ.
ښاغلي ګل یمین د ښاغلي حقاني له نیک احساس او غمشریکۍ څخه مننه وکړه او د هغوی شهادت یې د خپلې کورنۍ او د افغانستان د خلکو ویاړ وباله.
په پای کې ښاغلي حقاني ورسره یو څه نغدي مرسته هم وکړه.
