دبيا يوځای کېدو کمېټې او دکابل دراستنېدونکو معلوماتو مرکز په کار پيل وکړ
دکابل ولايت د بيا يوځای کېدو کمېټه او د راستنېدونکو معلوماتومرکز د کډوالو وزير، په افغانستان کې د کډوالو نړيوال سازمان رئيس، دکابل ولايت دوالي مرستيال او نورو ملي او نړيوالو بنسټونود مسؤلينو په شتون کې پرانيستل شوه او په کار يې پيل وکړ.
دغه مراسم چې د کابل د والي په دفتر کې ترسره شو د کډوالو او راستنېدونکو چارو وزير د بيا يوځای کېدو ولايتي کمټې په اړه معلومات ورکړل ويې ويل، چې دغه کمېټې د واليانو او دڅو ملي او نړيوالو بسنټونو د غړو تر مشرۍ لاندې د اوسېدو د زمينې برابرولو، کارموندنې او د راستنېدونکو لپاره د تابعت په برخه کې فعاليتونه کوي.
هغه زياته کې چې په کابل ولايت کې حکومت شاوخوا ۲۰ زره راستنېدونکو ته د کورونو جوړول په پلان کې لري. د ولسمشرۍ ماڼۍ د نوي فرمان په اساس په کابل او هرات ولايت کې د راستنېدونکو د نوم ليکنه پيل شوې، په کابل کې دالتفات نوی ښارګوټی کې دراستنېدونکو لپاره ۱۵۰۰ نمرې د ملګرو ملتونو دبشري مرستو دفتر ( هبيتات) په همکارۍ وېشلو ته چمتو ده..
د کابل ولايت دوالي مرستيال او د کډوالۍ نړيوال سازمان (iom) رئيس دې ته په اشارې سره وويل، د راستنېدونکو بيايوځای کېدل ډېرې همکارۍ ته اړتيا لري او خپله هر اړخيزه همکاري يې د راستنېدونکو په بيا يوځای کېدو کې د کډوالو چار وزارت سره يې اعلان کړه.
همدارنګه د کډوالو او راستنېدونکو چارووزارت د معلوماتو او پلټڼې رئيس علي رضا موحدي د بيا يوځای کېد کمېټې په اړه معلومات ورکړل ويې ويل،چې دغې کمېټې دهېواد په ۲۸ ولايتونوکې فعاله او د کډوالو دمعلوماتود سستم سره وصل دي،چې د ۲۰۱۶ کال څخه تر اوسه ۶۰۰ په شاوخواکې راستنېدونکي ثبت شوي.
