کډوالو وزير بېځايه شوي ماشومان ښوونځي ته د تګ لپاره ملاتړ ته اړتيا لري
د کډوالو او راستنېدونکو چارو وزير سيد حسين عالمي بلخي دبشرحقونو د وزيرې سره په ليدنه کې وويل،چې کډوالو وزارت مخکې د نفوسو د احوالو ثبت ادارې سره يو هوکړه ليک لاسليک کړی و،چې پر اساس يې بېځايه شوي ماشومان کولای شي په ټولو ولايتونوکې پېژند پاڼې واخلي او په ښوونځي کې شامل شي،مګر داقتصادي ستونزو له امله نه شي کولای چې ښوونځي ته لاړ شي چې ملاتړ ته اړتيا لري.
ټاکل شوې د بېځايه شوو دمديريت په اړه يو ناسته په سويس په ژنوښارکې يوه ناسته وشي، چې د بشرحقونو وزيره به هم په دغه ناسه کې ګډون وکړي،په همدې موخه نوموړې د مرغومي په ۲۱مه کډوالوچارو وزارت ته راغله او دکډوالو او راستنېدونکو چارو د وزير سيد حسين عالمي بلخي سره يې د داخلي بېځايه شوو وضعيت په اړه خبرې وکړې.
دکډوالو او راستنېدونکو چارو وزير سيدحسين عالمي بلخي په دغه ناسته کې معلومات ورکړل،چې په ۲۰۱۹ کال کې ۷۳۶ تنه دجګړو او طبيعي پېښو له امله دخپلواصلي سيموڅخه بېځايه شوي چې دکډوالو چارو وزارت په مشرۍ يې هغو سره چې مرستو ته يې اړتيا لرله لاس رسی شوی. همدارنګه دغه وزارت په پام کې لري چې دبشري مرستو سربېره په روان ژمي کې ۹۵ زره بېځايه شوو کورنيوسره مرستې وکړي.
هغه زياته کړه چې کډوالو چارو وزارت د لومړي ځل لپاره په دې وتوانېدچې ددوو کلونو په اخرکې دحکومت له بوديجې څخه بېځايه شوو سره مرستې وکړي. په روان کال کې ۵۶۵ ميليونه افغانۍ هغه کورنيوسره چې په ژمي کې بېځايه شوې وې خپلو اصلي سيموته دتګ په موخه په نظر کې نيول شوې.
عالمي بلخي وويل، چې مرستندويه همکارې موسسې دبېځايه شوو خپلو اصلي سيموته دتګ لپاره ځانګړې بوديجه نه لري او د وزارت هيله داده چې موسسې په دې برخه کې همکاري وکړي.
