موسسې بايد بځايه شو سره خپلواصلي سيموته د ستنېدو او دايمي ځای په ځای کولو کې برخه واخلي
دا خبره د کډوالو او ارستنېدونکو چارو وزير سيد حسين عالمي بلخي په هرات کې دنړيوالو مرستندويه ادارو له مسئوليونو سره په يوه ناسته کې وکړه.
هغه ناسته کې چې د نړيوالو مرستندويه ادارو دفعاليتونو د ارزونې لپاره د تلې په ۲۵مه په هرات ولايت کې جوړه شوې وه، کډوالو چارو وزير وويل، د بېځايه شوو او راستنو شوو خپلو اصلي سيمو ته په خپله خوښه او درناوي سره ستنېدل افغان حکومت خپل لومړيتوب کې ګرځولی دی. هغه په هرات ولايت کې دمرستندويه ادارو څخه غوښتنه وکړه، چې بځايه شو سره خپلواصلي سيموته د ستنېدو، دايمي ځای په ځای کولواو کاري فرصتونو برابرولو کې وزارت سره همکاري وکړي تر څو د بياځلې کډوالۍ څخه مخنيوی وشي.
همدارنګه په هرات کې د مرستنديه ادارو څخه يې د رياست سره د معلوماتو دشريکولو او همغږۍ غوښتنه وکړه
عالمي بلخي يادونه وکړه، چې تېرکال تر ټولو زيات بېځايه شوي په هرات ولايت کې و،چې د کډوالو چارو وزارت په هڅو د مرستندويه ادارو سره په ګډه همغږۍ وتوانېدل چې موضوع مديريت کړي، چې له يولورې بېځايه شوو ته رسيده ګي وشوه او انساني ناورين رامنځ ته نه شو او له بل لوري کوربه ټولنې تر فشار لاندې رانغلې.
وزير زياته کړه،چې په ژمي کې يې ۹۵ بېځايه شوې کورنۍ دمرستو په موخه د نظر لاندې نيولي چې ۲۵ زره يې دافغانستان دولت او ۴۵ زرو سره يې د مرستندويه ادارو له لورې مرستې کېږي. په ناسته کې د مرستندويه ادارو استازو کډوالو چارو وزير ته د خپلو فعاليتونو په اړه معلومات ورکړل او د وزارت سره يې د همکارۍ او همغږيو ډاډ ورکړ.
په افغانستان کې دملګرو ملتونو دمرستو دهمغږۍ دفتر ( اوچا) وويل، د لاسليک شوي هوکړه ليک په اساس اړينه ده، چې دنړيوالو بنسټونو او دولت له خوا په ګډه د اړمنو کورنيو سروې ترسره شوي او هغه کورنيوسره چې مرستې ترسره کېږي معلومات يې د دولت سره شريک کړي.
