د مهاجرينو چارو وزارت هڅه کوي، چې د مهاجرينو د راستنېدو او د بېځايه شوو د بيا يو ځای کېدو لپاره مناسب شرايط برابر کړي.

anwari_morr
چهارشنبه ۱۴۰۱/۱۲/۲۴ - ۲۰:۵۵
-

د مهاجرينو چارو وزارت مسلکي مرستيال مولوي عبدالرحمن راشد په  انټرکانتيننتال هوټل کې د داخلي بېځايه شوو د شمېرو برابرولو د ورکشاپ په دوهمه ورځ، چې د (UNHCR) دفتر له لورې ترسره شوه وويل، د مهاجرينو چارو وزرات هڅه کوي، چې د مهاجرينو د راستنېدو او د بېځايه شوو د بيا يوځای کېدو لپاره مناسب شرايط برابر کړي.
په دغه ورکشاپ کې، چې د مهاجرينو چارو وزارت يو شمېر مرکزي رئيسانو، کار کوونکو او د يادې ادارې مسؤلينو ګډون کړی وو، په لومړي سر کې د مهاجرينو چارو وزارت مسلکي مرستيال مولوي عبدالرحمن راشد خبرې وکړې او ويې ويل، د شرايطو په ښه کېدو سره زموږ مهاجر هېوادوال دې ته لېوال دي، چې بېرته خپل هيواد ته راستانه شي او داخلي بېځايه شوي هم غواړي چې بېرته خپلو اصلي سيمو ته ستانه شي، نو د مهاجرينو چارو وزارت د همکارو مرستندويه بنسټونو سره هڅه کوي، چې د مهاجرينو د باعزته راستنېدو او د داخلي بېځايه شوو د بيا يوځای کېدو زمينه برابره کړي.
هغه د (UNHCR) دفتر له مسؤلينو څخه مننه وکړه چې ياد ورکشاپ يې ترسره کړ او دغه ورکشاپ يې د مامورينو د ظرفيت په لوړولو کې اغېزمن وباله.
په دې ورکشاپ کې د بېځايه شوو د اټکلي او کره  سروې په تګلارې، ګټو او د افغانستان له شرايطو او نړيوالو نورمونو سره سم د مثبتو پايلو په اړه د (UNHCR) دفتر د کار کوونکو له لورې معلومات ورکړل شول د مهاجرينو چارو وزارت د کار کوونکو څخه يې په بېلابېلو برخو کې پوښتنې وکړې.
همدارنګه په کابل کې د (UNHCR) دفتر سرپرست سمح بلبل او د مهاجرت نړيوال سازمان (IOM) د بېځايه شوو د برخې مسؤل  هنري هم د موضوع او د مهاجرينو چارو وزارت او ياد دفتر د رول په اړه خبرې وکړې او په همغږيو يې ټينګار وکړ.
د ياد ورکشاپ د جوړېدو موخه د سيمه ييزې، ملي او منطقوي  سروې سمه تګلاره، د بېځايه شوو د کره شمېرو برابرول، د مهاجرينو چارو وزارت  او يونسيار او ای او ایم ترمنځ د همغږيو رامنځته کول او  د سروې پرمهال د مسؤليتونو وېشل وو.
د (UNHCR) دفتر وينا والو ټينګار وکړ، چې  د دريو همکارو بنسټونو له لورې د ورته شمېرو وړاندې کول به د نړيوالې ټولنې د پام وړ وګرځي او بېځايه شوو ته به د مرستو د چمتو کولو او راټولو زمينه برابره شي.
ياد ورکشاپ يوه  ورځ واړندې  د ملګرو ملتونو د کډوالو ادارې (UNHCR) له لورې د مهاجرينو چارو وزارت او د مهاجرت نړيوال سازمان (IOM) په همغږۍ ترسره شو.

تازه خبرونه

دوشنبه ۱۴۰۲/۱/۷ - ۲۰:۴
Background image

د مهاجرینو چارو وزیر پکتیا ولایت ته کاري سفر وکړ

د مهاجرینو او راستنېدونکو چارو وزیر الحاج خلیل الرحمان حقاني د یوه پلاوي په ملتیا پکتیا ولایت ته کاري سفر وکړ
ښاغلي حقاني د خپل سفر په ترڅ کې د پکتیا د مهاجرینو چارو ریاست د کارونو د. . .

یکشنبه ۱۴۰۲/۱/۶ - ۲۰:۵
Background image

د مهاجرینو چارو وزیر د پاکستان سفارت له شارژدافیر سره وکتل

د مهاجرینو او راستنېدونکو چارو وزیر الحاج خلیل الرحمان حقاني د پاکستان سفارت له شارژدافیر ښاغلي محمد جنید وزیر سره په خپل کاري دفتر کې وکتل
په دغه لیدنه کې د درې اړخیزو ناستو، افغان. . .

یکشنبه ۱۴۰۲/۱/۶ - ۱۹:۸
Background image

د مهاجرينو چارو وزير د ايران سفير سره ليدنه وکړه

د مهاجرينو او راستنېدونکو چارو وزير الحاج خليل الرحمن حقاني  په افغانستان کې د ايرن د سفير حسن کاظمي قمي سره په خپل کاري دفتر کې ليدنه وکړه.
په دې ليدنه کې ښاغلي حقاني د ايران د سفير. . .

بېرته خبرونه ته