د قطر سفیر د مهاجرینو چارو سرپرست وزیر سره ولیدل
د قطر دولت سفیر ښاغلي ډاکتر مردف القشوطي د مهاجرینو او راستنېدونکو چارو سرپرست وزیر الحاج خلیل الرحمن حقاني سره د ده په کاري دفتر کې ولیدل.
په دغه ناسته کې د مهاجرینو او داخلي بېځایه شوو لپاره د سرپناه، روغتیا او تعلیم په برخه کې د مرستو رسولو او ځینو نورو اړینو موضوعاتو په اړه خبرې وشوې.
د مهاجرینو چارو وزیر نوموړي ته د ښه راغلاست ترڅنګ افغانستان سره د قطر دولت د مثبتو اړیکو او بشري مرستو مننه وکړه.
د قطر سفیر له افغانستان سره د خپلې خواخوږۍ څرګندونه وکړه او ډاډ یې څرګند کړ، چې د مهاجرینو په برخه کې به لا زیاتې بشري مرستې جلب او خپلو هڅو ته به دوام ورکړي.
