د مهاجرينو چارو وزارت سرپرست د (DRC) موسسې د عمومي رئيسې سره ليدنه وکړه
د مهاجرينو او راستنېدونکو چارو وزارت مالي او اداري مرستيال او د وزارت سرپرست الحاج محمد ارسلاح خروټي د وري په ( ۳۰) مه د (DRC) موسسې له عمومي رئيسې جايس دلګيش سره په خپل کاري دفتر کې ليدنه وکړه.
په دغه دوه اړخيزه ناسته کې اغلې د لګيشن د فعاليتونو، لاسته را وړنو، په کاري سيمه کې د شته ستونزو او په افغانستان کې د يادې موسسې د پلي شوو پروژو په اړه مالي او اداري مرستيال ته معلومات ورکړل.
همدارنګه اغلې جايس دلګيش ژمنه وکړه، چې په هغو سيموکې چې څو کاله وړاندې هلته د نا امنيو له امله د بشري مرستو نا ممکين ول، د مرستو رسولو په برخه کې به همکاري وکړي.
ښاغلي خروټي د اسانتياوو په رامنځ ته کولو، د ستونزو پر حل، د همکارو ادارو سره د هغه پر شريکولو او د همکاريو پر دوام ټينګار وکړ.
