د دره نور ولسوالۍ يوشمېر خلکو د کډوالو وزارت د پالېسۍ او پروګرامونو دپلي کېدو معين سره وليدل
د ننګرهار ولايت د دره نور ولسوالۍ يوشمېر سپين ګيرو، مشرانو او ځوانانو د وري په ۱۷مه د کډوالو او راستنېدونکو چارو وزارت د پالېسۍ او پروګرامونو د پلي کېدو معين شېر علم امله وال سره ليدنه وکړه، استاد ته يې د نوې دندې مبارکي ورکړه او د ولسمشر څخه يې په حکومتي ادارو کې د علمي او مسلکي کادرونو دګمارلو له امله مننه وکړه.
په ورته وخت کې دننګرهار مدني فعالانو او ځوانانو د ښاغلي امله وال سره په يوې بلې ناسته کې د حکومت څخه مننه وکړه چې په دولتي ادارو کې يې علمي کادرونو ته ځای ورکړ او له اوسني نظام څخه يې خپله همکاري او ملاتړ اعلان کړ.
