د کډوالو او را ستنېدونکو چارو سرپرست وزیر محترم مولوي عبدالکبیر د کونړ له امنیه قومندان مولوي ضیالحق او د ننګرهار ولایت د استخباراتو له رئیس قاري عابد سره ولیدل.
په دې ناسه کې دواړو امنیتي مسؤلینو په کونړ او ننګرهار کې د کډوالو د وضعیت او امنیت د تامین ډاډ ورکړ ویې ویل، چې د راستنېدونکیو هېوادوالو هرکلی په ښه ډول شوی دی.
هغوی زیاته کړه، امنیتي ادارې د راستنېدونکېو هېوادوالو د سر و مال د ساتنې لپاره شپه ورځ کار کوي او هیڅوک له دې اړخه اندېښنه نلري.
د کډوالو او را ستنېدونکیو چارو سرپرست وزیر محترم مولوي عبدالکبیر، له یادو مسؤلینو څخه د مننې ترڅنګ وویل، چې ټولې ادارې دې د راستنېدونکیو هېوادوالو پر وړاندې خپل مسؤلیت ترسره کړي. هغه وویل، په ټولو ولایاتو کې به د کورنیو او بهرنیو مرستندویه ادارو په همغږۍ لازمې مرستې راستنېدونکیو هېوادوالو ته ورسیږي.
