دمعلوليت نړيواله ورځ په کډوالو چارو وزارت کې ونمانځل شوه

sadam_morr
سه‌شنبه ۱۳۹۸/۹/۱۲ - ۱۰:۳۵

دکډوالو او راستنېدونکو چارو وزارت چارواکو او کارکوونکو د ليندۍ په ۱۲مه دمعلوليت نړيواله ورځ د يولړ مراسمو په ترڅ کې ونمانځله

په دې مراسمو کې دکډوالو او راستنېدونکوچارو وزير سيد حسين عالمي بلخي د موضوع په اړه وويل، معلوليت کمزورتيا نه ده، معلوله خلک بايد زيار وګالي په ټولنه کې خپل رول ولوبوي او دمعلوليت احساس ونه کړي.

عالمي بلخي زياته کړه، معلوليت هغه پديده ده چې پېښه شوې ده او هغه څوک چې  دانسانيت دفاع،  دخپلواکۍ او د وطن په لاره کې دخپل بدن يوه برخه له لاسه ورکړې بايد ورسره مرسته او درناوی يې وشي.

وروسته ددې وزارت د بشري سرچينو رئيس عبدالخالق موسوي وويل، چې د پټو وړتياو او ظرفيتونو د درناوي ورځ ده، چې له بده مرغه بايد دا خلک د فزيکي محدوديتونو له امله له پامه ونه غورځول شي، موږ بايد ددوی  دظرفيتونو څخه د ادارو د ظرفيتونو په لوړولو کې کار واخلو.

موسوي زياته کړه، د افغانستان دملکي خدمتونو ادارې دمعلوليت لرونکو خلکو لپاره ځانکړې کړنلاره جوړه کړې، په کوموکې چې ادارې اړ دي  د معلوليت لرونکو وګړو  ګمارنې  کې ۳ سلنه ډېروالی  را وړي  اوموږ دې ته ژمن يو.

په پای کې د وزارت دکارکوونکو په استازيتوب يو تن خبرې وکړې او مراسم معلولو کارکوونکو ته د ستاينلکونو په ورکولوسره پای ته ورسېدل.

 

تازه خبرونه

شنبه ۱۴۰۵/۸/۳۰ - ۱۵:۱۲
Background image

د مهاجرینو چارو وزیر د فراه له والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د فراه له والي محترم ملا محمد حافظ مجاهد سره وکتل.
په پیل کې محترم ملامحمد حافظ مجاهد په فراه کې د. . .
شنبه ۱۴۰۵/۸/۳۰ - ۱۵:۱
Background image

د مهاجرینو چارو وزیر د بغلان ولایت له یو شمېر علماوو او مسوولینو سره ولیدل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د بغلان ولایت له یو شمېر علماوو او مسوولینو سره ولیدل.
په دغې لیدنه کې د بغلان ولایت علمای کرامو او. . .
چهارشنبه ۱۴۰۵/۸/۶ - ۱۴:۰
Background image

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د وزارت د پلان او پالیسۍ او دایمي حل‌‌لارو موندنې رییسانو او د افغانستان لپاره د ملګرو ملتونو مرستندویه پلاوي(یوناما) د دایمي حل‌‌لارو سلاکارې اغلې فرحانه سټوکر ترمنځ ګډې مشورتي ناستې. . .

بېرته خبرونه ته