له ۲۰۱۲ کال څخه تر اوسه د افغان کډوالو دشمېرنې په اړه ديوې ساحوي څېړنې پايلې له رسنيوسره شريکې شوې

ali_hamta
دوشنبه ۱۳۹۸/۴/۳ - ۱۳:۱
l

د کډوالو او راستنېدونکو چارو وزير سيد حسين عالمي بلخي او په افغانستان کې دکډوالۍ نړيوال سازمان د دفتر رئيس لورانس هارت د افغان کډوالو د شمېرنې په اړه د يوې ساحوې څېړنې پايلې په يوه خبري ناسته کې له رسنيوسره شريکې کړې.

ښاغلي بلخي د تېرې يکشنبې په ورځ د چنګاښ په ۲مه د حکومت د رسنيو په مرکز کې وويل، دغه شمېرې په کليو او بانډو کې له  ۶۴ زره او ۱۸۶ کسانوسره دمرکو په پايله کې لاسته راغلي، چې دکډوالو چارو وزارت او همکارې موسسې دکره شمېرو له مخې  راستنېدونکو او اړمنو کورنيو سره مرستې کوي، ځکه چې د راستنېدونکو او بېځايه شوو  د کره شمېرو په اساس موسسات کولای شي خپل پروګرامونه اړمنو کورنيو ته په رڼه توګه برابر کړي.

 

بلخي وويل، دغه څېړنه په ۳۴ ولايتونو، ۳۹۰ ولسواليو او ۱۱ زره ۴۴۳ قريوکې ترسره شوې، چې دهغه په اساس له ۲۰۱۲ کال څخه تر د ۲۰۱۸ کال اخر پورې ۲ ميليونه ۲۹۱ زره ۵۸۴ تنه له هېواده کډوال شوي  او ۳ميليونه ۲۲۵ زره ۳۸۰ تنه بېرته خپل هېواد ته راستانه شوي. همدارنګه په ياده موده کې د بېځايه شوو شمېر ۳ميليونه ۹۵۷ زره او ۶۱۴ تنو ته رسيږي. 

دهغه په خبره، دکډوالو پر، پرتله د راستنېدونکو لوړه شمېره ښيي چې افغانان په خپل هېواد کې ژوند کولو ته لومړيتوب ورکوي او د دوامداره سولې په راتلو او دجنګ له منځه تلو له امله به کډوال خپل هېواد ته راستانه شي.

په افغانستان کې د کډوالۍ نړيوال سازمان(IOM )  رئيس ددغې بنسټيزې ارزونې موخه د بېځايه شوو تعقيب يادکړ  او ويې ويل، چې په دغه ارزونې سره کولای شو دنفوسو د اټکل، د بېځايه شوو او راستنېدونکو ټولنو دموقعيت وېش، کډوالو، پناه غوښتونکو،کوچانواو همدارنګه په کوردننه او بهر د کاګرو کډوالو په اړه کره معلومات ولرو.

په افغانستان کې د بېځايه شوو د تعقيب سيستم چې دکډوالۍ نړيوال سازمان له لورې پرمخ وړل کېږي دکډوالو چارو وزارت او همکارې موسسې دې ته هڅوي چې ترڅو اړمنوسره مرستې اکثرو ته ورسيږي او دقيقه لومړيتوب بندي ترسره شي.

تازه خبرونه

چهارشنبه ۱۳۹۸/۷/۲۴ - ۹:۱۳
Background image

د کډوالو نړیوال سازمان له افغانستان سره 30 میلیونه ډالره مرسته کوي

د کډوالو د نړیوال سازمان او د کډوالو او راستنېدونکیو چارو وزارت ترمنځ د اجرائيه رئيس په حضور کې بې ځایه شویو او راستنېدونکیو کورنیو ته د رسېدګۍ لپاره د دېرش میلیونه ډالرو مرستې هوکړه. . .

دوشنبه ۱۳۹۸/۷/۲۲ - ۱۲:۵۴
Background image

په کډوالو چارو وزارت کې دهر اړخيزو خبرو اترو لپاره دخلکو کمېټې ناسته جوړه شوه

د کډوالو او راستنېدونکو چارو وزارت د پناه غوښتونکو مرسيتالې ډاکټرې عالمې په مشرۍ په کډوالو چارو وزارت کې د هر اړخيزو خبرو اترو دخلکو  کمېټې ناسته جوړه شوه.

دغه ناسته د تلې په ۲۱مه. . .

دوشنبه ۱۳۹۸/۷/۲۲ - ۱۲:۵۰
Background image

د افغان پناه غوښتونکو د حل لارو د ستراتېژۍ کمېټې څلور اړخيزه ناسته  په سويس کې جوړه شوه

دغه  ناسته دکډوالو او راستنېدونکو چارو وزير سيد حسين عالمي بلخي، د ايران د بهرنيو چارو وزير عبدالرضا رحماني فضلي، د پاکستان دسفران وزير شهريار آفريدي او دملګرو ملتونو دکډوالو ادارې UNHC. . .

بېرته خبرونه ته