د کډوالو چارو وزير له افغان کډوالو سره د امريکا د لا زياتې همکارۍ غوښتنه وکړه

sadam_morr
سه‌شنبه ۱۳۹۸/۸/۱۴ - ۱۰:۳۵
1
د کډوالو او راستنېدونکو چارو وزير سيد حسين بلخي د امريکا هېواد د اسيا يي برخې (BPRM) رئيسې سره په ليدنه کې دهغه څخه وغوښتل چې په کوربه هېوادونوکې د افغان کډوالو د قوي او جدي ملا تړ کوونکي په توګه دافغان کډوالود سالمې راستنېدنې په برخه کې د افغانستان سره همکاري وکړي. د کډوالو او راستنېدونکو وزير د امريکا متحدايالاتو د مرستو د زياتوالي دمننې او د بهرڅخه دافغان کډوالو د وضعيت د معلوماتو په اړه يې وويل، چې اوسمهال په کوربه هېوادونوکې د کډوالو وضعيت د نورو وختونو په پرتله د کنترول لاندې دی، مګر په ترانزيتی هېوادونوکې ځنې ستونزې شتون لري لکه، ترکيه، يونان او اندونيزيا کې او کډوالو چارو وزارت اوس پدې هېوادنوکې د کډوالو د اداره کولو لپاره عملي پلانونه لري، په لوړه او تخنيکي کچه ترکيې او يونان سره خبرې کوي او لازمه ده چې د امريکا متحده ايالات د افغانستان څخه په ملاتړ د ترکيې، يونان، ناروې او اندونيزيا سره خبرې وکړي. هغه د امريکا د متحده ايالاتو څخه وغوښتل، چې د راستنېدونکو لپاره د دندو پيداکولو په برخه کې د کډوالو چارو وزارت سره همکاري وکړي اوهغه راستنېدونکي چې د ترکيې هېواد څخه افغانستان ته راستنېږي ملاتړ يې وکړي. په يادو معلوماتو کې راغلي چې کډوالو چارو وزارت دکډوالو پراخه پاليسي نهايي کړې چې دکډوالو ټولې برخې په ګوته کوي او دا پاليسي د ولسمشرۍ ماڼې د تائيد وروسته کولای شي د اوږدې مودې لپاره د کډوالو د مديريت په برخه کې کاروکړي. همدارنګه د ولسمشر له لورې د ځمکو وېش دکړنلارې په تصويب سره به دغه پروسه په عملي توګه پيل شي. عالمي بلخي داخلي بېځايه شوو ته د رسېدنې په برخه کې وويل، چې په روان کال کې دکډوالو چارو وزارت په مشرۍ ۳۳ زره کورنۍ بېرته خپلو اصلي سيموته ستنې شوي او کډوالوچارو وزارت په پام کې لري چې په روان ژمي کې له ۹۵ زره زياتو بېځايه شوو کورنيوسره مرستې وکړي، چې ۳۰ زره کورنيو لپاره د بوديجې تشه شتون لري او د امريکا سفارت همکارۍ ته ضرورت لري. دغه ناسته د لړم په ۱۳مه د اجرايه رياست په سپېدار ماڼې کې جوړه شوې وه او دکډوالو د اسيا دبرخې رئيسې کډوالو او راستنېدونکو چارو وزارت سره ژمنه وکړه، چې د غوښتنو په اړه به په کابل کې د متحده ايالاتو سفارت سره په همغږۍ د وشنګټن سره خبرې وکړي.

تازه خبرونه

دوشنبه ۱۳۹۸/۹/۱۸ - ۱۳:۴۰
Background image

هرات کې د راستنېدونکو او داخلي بېځايه شوو د لاسي صنايعو نندارتون پرانيتسل شو

Bottom of Form

په دغه نندارتون کې د هرات ولايت د ټولنيزو چارو مرستيالې  اغلې مونسه حسن زاده، دراستنېدونکو د بيا يوځای کېدو رئيس رحمت الله حکيمي، دکډوالو چارو رئيس جاويد نادم او دهرات. . .

یکشنبه ۱۳۹۸/۹/۱۷ - ۱۲:۴۴
Background image

هرات کې د راستنېدونکو او سبزوار ټولنې ټيم ترمنځ د فوټبال لوبه ترسره شوه

د غه لوبه  په هرات کې دمېشتو راستنېدونکو او سبزوار ټولنې ترمنځ د فرهنګي او ذهني يوځايوالي په موخه د ليندۍ په ۱۶مه  په لاره اچول شوې وه.

دغه لوبه د هرات ولايت دکډوالو چارو رئيس،. . .

چهارشنبه ۱۳۹۸/۹/۱۳ - ۹:۳۱
Background image

کډوالو وزير د افغان کډ‌والو وضعيت ښه والي په اړه د جاپان سفير سره خبرې وکړې

Bottom of Formد کډوالو او راستنېدونکو چارو وزير سيد حسين عالمي بلخي په کابل کې  د جاپان سفير ميتسوجي سوزوکا سره په ايران او پاکستان کې دافغان کډوالو وضعيت ښه والي او له کوربه هېوادونو. . .

بېرته خبرونه ته