د پناه غوښتونکو مرستيال په انقره کې د ترکيه د کورنيو چارو وزارت مرستيال سره دکډوالۍ په برخه کې د همکاريو د هوکړه ليک د لاسليک په اړه خبرې وکړې
دکډوالو او راستنېدونکو چارو وزارت د پناه غوښتونکو مرستيال وفي الله کاکړ په مشرۍ د غبرګولي په ۱۳مه د ترکيې د کورنيوچارو وزارت مرستيال اسماعيل چتکلي سره د افغان کډوالو د مديريت په اړه د دواړو هېوادونو ترمنېځ د هوکړه ليک د لاسليک کولو په اړه خبرې اترې وشوې.
ښاغلي کاکړ په خپلو خبرو کې د افغانستان او ترکيې حکومت ترمېنځ ښې، اوږدمهالې او ورو ولۍ اړېکې يادې کړې او دغيرمنظمې کډوالۍ په اړه يې د حکومت اندېښنه څرګنده کړه.
هغه زياته کړه د چې کډوالۍ پروسې دمديريت او د غيرقانوني کډوالۍ دمخنيوي لپاره اړتيا ده چې چې د دواړو هېوادونو ترمنځ دهمکاريو دوه اړخيزه هوکړه ليک موجود وي.
په ورته وخت کې د ترکيې دکورنيو چارو وزارت مرستيال د کاکړ په مشرۍ ورغلي پلاوي ته ښه راغلاست ووايه او مننه يې ترې وکړه او ژمنه يې وکړه چې د هوکړه ليک په لاسليک کې به اسانتياوې رامنځ ته کړي.
په پای کې دواړو لوريو پرېکړه وکړه چې د ياد هوکړه ليک په متن کې کار کولو لپاره تخنيکي ډله جوړه کړي او د يوې مياشتې په اوږدو کې به په هغې کار وکړي.
