د پناه غوښتونکو مرستيال د کډوالۍ دپراختيا دنړيوالې همکارۍ د مسؤل سره وليدل
د کډوالو او راستنېدونکو چارو وزارت د پناه غوښتونکو مرستيال وفي الله کاکړ د تلې په ۲۹مه له غرمې وروسته د کډوالۍ دپراختيا دنړيوالې همکارۍ (ICMPD)د برخې له رئيس مارتاين پلوم سره ليدنه وکړه او د دواړو ادارو په زياتو همکاريو يې خبرې وکړې. د پناه غوښتونکو مرستيال د (ICMPD) ادارې د ښو همکاريو څخه مننه وکړه ويې ويل، چې ستاسې ښه همکاري ددې سبب شوه چې موږ دکډوالو ته درسېدو او مديريت لپاره يوه جامع پالېسي ولرو. په دغه ناسته کې دواړو لوريو هوکړه وکړه چې دکډوالو ددغې پراخې پالېسۍ د نهايي کولو لپاره به ګړندي ګامونه پورته کړو. ښاغلي کاکړ د (ICMPD) ادارې څخه غوښتنه وکړه، چې کډوالوکارکوونکو دقانوني کولو، ظرفيت لوړنې او د ډيپورت شوو د وړتياو د استفادې او نورو برخوکې د کډوالو او راستنېدونکو چارو وزارت سره همکاري وکړي او په دې برخه کې خپل فعاليتون نور هم تېز کړي.
