د پناه غوښتونکو مرستيال د هلمند ولايت د داخلي بېځايه شوو وضعيت څېړلو په موخه هلمند ته سفر وکړ
د کډوالو او راستنېدونکو چارو وزارت د پناه غوښتونکو مرستيال وفي الله کاکړ د لړم په ۴مه د يو پلاوي په مشرۍ هلمند ولايت ته د داخلي بېځايه شوو د وضعيت څېړلو په موخه سفر وکړ.
ددغه سفر موخه د ملي او نړيوالو مرستندويه ادارو دمرستو دوېش نظارت کول، د داخلي بېځايه شوو د کمپ نه ليدنه او د داخلي بېځايه شوو د ستونزو اورېدل و .
په دغه سفر کې د کډوالو او راستنېدونکو چارو وزارت د پناه غوښتونکو مرستيال د هلمند ولايت له والي او قومي مشرانو سره وکتل او دملي او نړيوالو مرستندويه ادارو او همدرانګه دملګرو ملتونو دکډوالو ادارې، خوراک نړيوال سازمان او يوشمېر نورو ادارو سره يې د شته ستونزو دحل او دمرستو د ښه لاسرسي په اړه خبرې وکړې.
هغه په پای کې د هلمند ولايت دکډوالو چارو رياست او همکارو مرستندويه موسساتو ته لازمې لارښوونې وکړې ترڅو دهلمند ولايت د داخلي بېځايه شوو د نومليکنې او مرستو دوېش پروسې په برخه کې لازمې کړنې ترسره کړي.
په ورته وخت کې همکارو مرستندويه ادارو دمرستو په برخه کې د هر راز همکاريو ډاډ ورکړ.
