د مهاجرينو چارو وزير د (IRC) موسسې له مرستيال سره  ليدنه وکړه

د مهاجرينو او راستنېدونکو چارو وزير الحاج خليل الرحمن حقان ی د (IRC) موسسې له مرستيال عدنان جنيد سره  په خپل کاري دفتر کې ليدنه وکړه.
په  ليدنه کې  دواړو لوريو اړمنو او مستحقو کورنيو ته د ژمنيو مرستو په  وېش خبرې وکړې.

د مهاجرينو چارو وزير  د خيريه بنسټونو څخه مننه وکړه چې په سخت حالاتو کې يې د افغانستان له خلکو سره مرسته کړي.

هغه وويل، د شتمنو او د ټولنې د نورو وګړو وظيفه ده چې له اړمنوخلکو سره مرسته وکړي  او له اړو خلکو سره مرسته بايد سياسي نه وي.

حقان ی  زياته کړه چې  د  مهاجرينو چارو وزارت چمتو دی چې د سروې د شرايطو برابرولو او د مرستو د وېش په برخه کې له بنسټونو سره همکاري وکړي.

همدارنګه په سروې او د ومرستو په وېش کې د خلکو ديني، کلتوري او فرهنګي  دودونه په جلا توګه په پام کې ونيول شي او د بنسټونو ټولې چارې دې د مهاجرينو چارو وزارت سره په همغږۍ او شفافيت ترسره  شي.

د يادې موسسې اسيايي مرستيال وويل،موږ به  د سروې او د مرستو د وېش په برخه کې ياد شوي ټکي په پام کې ونيسو  او خپلو همکاريو ته به دوام ورکړو.