د مهاجرينو چارو وزارت کې د ساري ناروغيو د عامه پوهاوي برنامه ترسره شوه

anwari_morr
سه‌شنبه ۱۴۰۲/۷/۱۱ - ۱۴:۱۲
ـ

د کانګو او ليوني سپي د ناروغۍ په اړه د عامه پوهاوي برنامه د عامې روغتيا وزارت په همغږۍ د مهاجرينو او راستنېدونکو چارو وزارت د بشري سرچينو رياست په همکارۍ د دغه وزارت يو شمېر کار کوونکو ته د وزارت د ناستو په تالار کې ترسره شوه.
د برنامې په پيل کې د بشري سرچينو رئيس دوکتور مفتي مديرګل احمدي او د داخلي بېځايه شوو وضعيت ته د رسېدو رئيس مولوي سردار محمد شېرزاد خبرې وکړې او د داسې برنامو تر سره کول يې مهم وبلل. 
هغه د ناروغۍ او روغتيا په اړه د محمد (ص) احاديثو ته په اشارې سره د چاپيريال په پاکوالي ټينګار وکړ او د برنامې له ګډنوالو يې غوښتنه وکړه، چې په غور سره دې د ډاکټرانو خبرې واوري، غوږ دې ور ته ونيسي او هغه څه چې ډاکټران يې وايي په کاري چاپيريال او کور کې يې له نورو سره شريک کړي، تر څو له دې لارې د ساري ناروغيو مخه ونيول شي.
ورپسې د روغتيا وزارت د کانګو ناروغۍ عمومي مسؤول ډاکټر بشير امين او د ليوني سپي د ناروغيو د کنټرول عمومي مدير ډاکټر جواد اماني د يادو ناروغيو د ماهيت او د هغوی د لېږد د څرنګوالي او مخنيوي په اړه ګډنوالو ته هر اړخيز معلومات ورکړل.
د يادې برنامې د تر سره کېدو موخه د کارکوونکو د پوهې لوړول او هغوی ته د ذکر شوو ناروغيو د مخنيوي د څرنګوالي بیانول وو.

تازه خبرونه

یکشنبه ۱۴۰۳/۳/۶ - ۱۳:۵۲
Background image

د مهاجرینو او راستنېدونکو چارو وزارت پلاوي د تخار ولایت سیلاب ځپلیو کورنیو سره د غمشریکۍ په پار یاد ولایت ته سفر وکړ.

د کډوالو او راستنېدونکو چارو سرپرست وزیر الحاج خلیل الرحمن حقانی د لارښوني پر اساس د بیا ځلې میشتېدنیې ریېس مولوي شکر الله شاکر په مشري یو پلاوي د غبرګولې د میاشتې په ۲۴مه تخار ولایت ته. . .

شنبه ۱۴۰۳/۳/۵ - ۱۵:۲۰
Background image

د بېځایه شویو د شمېرو د همغږۍ په موخه ناسته وشوه

 د داخلي بېځایه شوبو د شمېرو د همغږۍ په موخه د مهاجرینو چارو وزارت د داخلي بېځایه شویو په ریاست کې ناسته وشوه، چې د مرستو د همغږۍ، د مهاجرینو د اطلاعاتو او څېړنې، پلان او پالیسۍ،. . .

پنجشنبه ۱۴۰۳/۳/۳ - ۲۱:۸
Background image

د قطر سره میاشت د راستنو شوو مهاجرینو لپاره کورونه جوړوي

د هلال احمر قطري د مرستو او نړیوالې پراختیا  رئیس دوکتور محمد صلاح ابراهیم او ورسره مل پلاوي د مهاجرینو او راستنېدونکو چارو سرپرست وزیر الحاج خلیل الرحمن حقاني سره ولیدل
په ناسته کې د. . .

بېرته خبرونه ته